فرمان الہی
نماز کے اوقات
کراچی (این این آئی)کراچی میں بی آر ٹی یلو لائن منصوبے میں اربوں روپے کی مالی بے قاعدگیوں کا انکشاف ہوا ہے، چیف سیکریٹری سندھ نے مالی بے قاعدگی پر انکوائری کے احکامات جاری کردیئے۔ ذرائع کے مطابق بی آر ٹی یلو لائن منصوبے میں 6 ارب روپے سے زائد کی مبینہ کرپشن سامنے آئی ہے۔ذرائع کے مطابق انکوائری افسر نے سابق پروجیکٹ ڈائریکٹر ضمیر عباسی، ڈائریکٹر پروکیورمنٹ جمن داس، پروجیکٹ ڈائریکٹر کمال حکیم اور ڈپٹی ڈائریکٹر طحہٰ عزیز کو طلب کیا گیا۔اس معاملے پر سینئر وزیر سندھ شرجیل انعام میمن نے کہا کہ افسران کو یلو لائن منصوبے سے متعلق تمام ریکارڈ بھی ساتھ لانے کی ہدایت کی گئی ہے۔ بی آر ٹی یلو لائن کے سابق پی ڈی ضمیر عباسی نے قواعد کے خلاف ایڈوانس پیمنٹ کی، سیکریٹری ٹرانسپورٹ نے حکومت سے ایکشن لینے کے لئے چیف سیکریٹری کو خط لکھا ہے۔
