فرمان الہی
نماز کے اوقات
لاہور میں صبح سویرے شروع ہونے والا مون سون کا دوسرا اسپیل اب تھم گیا۔
ترجمان واسا کے مطابق لاہور ایئر پورٹ پر ابھی تک سب سے زیادہ بارش 263 ملی میٹر ریکارڈ کی گئی۔
ترجمان واسا نے بتایا ہے کہ تاج پورہ میں 157.4، کاہنہ میں 143، مغل پورہ میں 133 اور مناواں میں 112.2 ملی میٹر بارش ریکارڈ ہوئی۔
ترجمان واسا کے مطابق شادی پورہ میں 136، مال روڑ پر 116، جوہر ٹاؤن میں 81 ملی میٹر بارش ریکارڈ کی گئی۔
گوجرانوالہ میں تیسرے روز بھی وقفے وقفے سے بارش کا سلسلہ جاری ہے اور ساتھ ہی شہر بھر میں نکاسیٔ آب کا عمل بھی جاری ہے۔
لاہور سے منگوائی گئی اضافی مشینری نکاسیٔ آب میں مصروف ہے، گزشتہ روز شہر کی اہم شاہراہیں ٹریفک کے لیے کلیئر کر دی گئی تھیں جب کہ متاثرہ نشیبی علاقوں سے پانی نکالنے کا کام سے جاری ہے۔
دوسری جانب گلگت کے شہر کنوداس میں گزشتہ رات بارش سے ندی نالوں میں طغیانی آ گئی۔
طغیانی آنے کی وجہ سے کنوداس کے علاقے مرکز کالونی میں پانی گھروں میں داخل ہو گیا اور متعدد مکانات کو نقصان پہنچا۔
