ڈیرہ غازیخان( پ ر ) ڈی سی او ندیم الرحمن نے کہا ہے کہ شہدائے کربلا کے چہلم کے موقع پر فول پروف سکیورٹی انتظامات کیے جائیں ، امن کے قیام کیلئے تمام مکاتب فکر کے علمائے کرام متفق و متحد ہیں ۔ انہوں نے یہ بات ضلعی امن کمیٹی کے اجلاس کی صدارت کرتے ہوئے کہی ،جس میں ڈی پی او کیپٹن (ر) عطا محمد ، اسسٹنٹ کمشنرز اصغر مجید بلوچ ، عبدالغفار ، عبدالجبار ، ای ڈی او ہیلتھ ڈاکٹر منور عباس ، ای ڈی او سی ڈی فارو ق احمد ، ڈی او سی محمدیاسین ، ڈسٹرکٹ ایمرجنسی آفیسر ریسکیو 1122ڈاکٹر ناطق حیات غلزئی ، ٹی ایم او چودھری طاہر جاوید کے علاوہ قانون نافذ کرنے والے اداروں کے افسروں اور ضلعی امن کمیٹی کے ارکان نے شرکت کی ۔ ڈی سی او نے کہاکہ تمام مسالک ضابطہ اخلاق کی پاسداری کریں اور اپنے چھوٹے معاملات باہمی مشاورت سے مقامی سطح پر حل کر کے یکجہتی کا مظاہرہ کریں ۔ انہوں نے کہاکہ چہلم کے موقع پر محرم الحرام کی طرح کے سکیورٹی انتظامات کیے جائیں گے ۔ مشکوک اور مشتبہ افراد پر کڑی نظر رکھی جائے ۔ اجلاس کے آخر میں تمام مکاتب فکر کے علمائے کرام اور امن کمیٹی کے ارکان نے ضلعی انتظامیہ کو اپنے ہر ممکن تعاون کا یقین دلایا۔
فرمان الہی
نماز کے اوقات
