فرمان الہی
نماز کے اوقات
بھارتی ہدایت کار اور کوریوگرافر فرح خان نے بتایا ہے کہ کنگ خان کے صاحبزادے آریان خان بچپن سے کس اداکار کے دیوانے تھے۔
بھارتی میڈیا رپورٹ کے مطابق فرح خان نے بتایا کہ آریان بچپن سے ہی رجت بیدی کے دیوانے تھے، خاص طور پر فلم ’جانی دشمن‘ میں اُن کی پرفارمنس کمال لگی۔
بالی ووڈ فلمساز اپنے یوٹیوب شو کےلیے مختلف شخصیات کے گھر جاکر اُن سے کھانا بنواتی ہیں اور مزے مزے کی باتیں کرتی ہیں، اسی سلسلے میں وہ رجت بیدی کے گھر گئیں۔
انہوں نے اس دوران انکشاف کیا کہ آریان خان رجت بیدی کے بڑے فین رہے ہیں۔
فرح خان نے بتایا کہ میں نے آریان سے رجت کو اپنے شو لیے جانے پر بات کی تو اُس نے جواب دیا کہ وہ بچپن سے ہی اُن کے کرداروں کا فین رہا ہے۔
اس واقعے کے ساتھ بالی ووڈ فلمساز نے ہنستے ہوئے مزید کہا کہ ’یہ سن کر مجھے خوشی ہوئی کہ ہمارا لڑکا بھی فلمی نکلا۔
رجت بیدی جو کینیڈا میں رہتے ہیں نے فرح خان کو بتایا کہ مجھے کال آئی کہ ڈائریکٹر آپ سے ملنا چاہتے ہیں، میں حیران ہوا کہ شاہ رخ خان کا بیٹا مجھ سے ملنا چاہتا ہے، میں نے خود کو چٹکی بھری کہیں میں خواب تو نہیں دیکھ رہا۔
بھارتی اداکارہ نے مزید کہا کہ میں آریان کے آفس پہنچا تو وہ مجھے لینے خود آئے، میرا بہت خیال رکھا، میں تو اُن کی عاجزی سے متاثر ہوگیا۔
اس پر فرح خان نے کہا کہ میں نے اب تک جتنے لڑکے دیکھے ہیں، آریان اُن میں سب سے تمیز دار لڑکا ہے۔
