فرمان الہی
نماز کے اوقات
بالی ووڈ کی باربی ڈول کترینہ کیف جو اس وقت امید سے ہیں ان کی اس حوالے سے تصاویر وائرل ہوگئی ہیں، جس پر ان کے مداح حیران رہ گئے۔
اداکارہ کی یہ نجی تصاویر ایک میڈیا پورٹل نے شیئر کی ہیں۔
مذکورہ تصاویر اس وقت کھینچی گئیں جب 42 سالہ اداکارہ اپنے ممبئی کے اپارٹمنٹ کی بالکونی پر نظر آئیں۔ بتایا جاتا ہے کہ وہ اس وقت تین ماہ کی حاملہ ہیں۔
نجی تصاویر دیکھ کر سوشل میڈیا صارفین حیران رہ گئے اور انہوں نے پرائیویسی کی خلاف ورزی پر تنقید کرتے ہوئے پوسٹ کے کمنٹس سیکشن میں پولیس کارروائی کا مطالبہ کیا۔
واضح رہے کہ 9 دسمبر 2021ء کو کترینہ کیف اور وکی کوشل نے راجستھان کے ریزورٹ میں شاہی انداز میں شادی کی جس کے 1 سال بعد ہی ان کے والدین بننے کی افواہیں شروع ہو گئی تھیں۔
تاہم خوبرو اداکارہ نے فوٹوز اینڈ ویڈیوز شیئرنگ پلیٹ فارم انسٹاگرام پر ایک تصویر کے ساتھ پوسٹ شیئر کی اور مداحوں کو خوش خبری سنائی تھی۔
