کراچی کے علاقے قیوم آباد سیکٹر بی میں گزشتہ رات نامعلوم ملزمان 16 دکانوں کے تالے کاٹ کر دکانوں میں رکھی نقدی لوٹ کر فرار ہوگئے۔ دکانداروں کا کہنا ہے کہ ملزمان لاکھوں روپے لوٹ کر فرار ہوئے ۔
ملزمان نے دکانوں کے تالے کاٹے اور کٹے ہوئے تالوں کو نالے میں پھینک دیا۔ صبح جب دکاندار دکانیں کھولنے پہنچے تو ٹوٹے ہوئے تالے دیکھ کر رینجرز کو طلب کرلیا۔
دکانداروں نے دعویٰ کیا ہے کہ ملزمان لاکھوں روپے کی رقم لوٹ کر لے گئے۔ لوٹی جانے والی دکانوں میں کاسمیٹک ، گارمنٹس، جوتے اور بر تنوں کی دکانیں شامل ہیں۔
پولیس کے مطابق ملزمان تمام دکانوں سے رقم چوری کرکے فرار ہوئے ہیں۔تاہم چوری ہونے والی رقم کا ابھی تک درست اندازہ نہیں لگایا جا سکا ہے۔