ابھیشک بچن کا فلم پلٹن میں کام کرنے سے انکار

25 ستمبر ، 2017

بالی ووڈ اداکار ابھیشک بچن نے بھارتی وار فلم ’بارڈر‘ کی 20 ویں سالگرہ کے موقع پر بنائی جارہی ایک اور جنگ پر مبنی فلم ’پلٹن‘ میں کام کرنے سے انکار کردیا ہے۔

بھارتی میڈیا رپورٹ کے مطابق فلم ساز جے پی دتا کی فلم ’ پلٹن ‘ کی کہانی 1962ء کی بھارت چین جنگ پر مبنی ہے ،جس میں بگ بی کے صاحبزادے نے کام کرنے سے انکار کردیا ہے ۔

فلمساز کے مطابق ابھیشک بچن نے فلم کی شوٹنگ کے پہلے شیڈول کے آغاز سے صرف 24 گھنٹے پہلے پلٹن کا حصہ بننے سے انکار کیا ہےاور وجہ ذاتی نوعیت کی بتائی ہے ،جس کے بارے میں وہ خود ہی وضاحت سے بات کرسکتے ہیں۔

فلمساز جے پی دتا کی صاحبزادی نندھی دتا نے کہا ہے کہ فلم میں ابھیشک کی جگہ کس اداکار کو لیا جارہا ہے اس حوالے سے جلد اعلان کیا جائےگا۔