• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سندھ اسمبلی کے ارکان کو دھمکیاں ملنے کا تذکرہ

آج کا اخبار
ملک بھر سے
01 مئی ، 2018
کراچی ( اسٹاف رپورٹر) سندھ اسمبلی ،ارکان کو دھمکیاں ملنے کا تذکرہ ۔ صوبائی وزیر امداد پتافی کے بعد ایم کیو ایم کے ارکان کا بھی دھمکیاں ملنے پر احتجاج ۔ پیر کو سندھ اسمبلی کے اجلاس کے دوران ارکان نے اس معاملے کو سندھ اسمبلی کے ایوان میں بھی اٹھایا۔ ایم کیو ایم کے رکن صابر قائم خانی نے ایوان کو بتایا کہ انہیں واٹس ایپ پر یہ پیغام دیا گیا ہے کہ مطلوبہ رقم فراہم کرو،دھمکی آمیز پیغام میں انہیں اور گھروالوں کو جان سے مارنے کی دہمکی بھی دی گئی ہے۔رکن اسمبلی کا کہنا تھا کہ انہیں سکیورٹی فراہم کی جائے عدالت کے حکم پر سکیورٹی واپس لی جا رہی ہے۔ ایم کیو ایم کے رکن کامران اختر نے ایوان میں دھمکی کے بارے میں آگاہ کیا ان کا کہنا تھا کہ انہیںبھی دھمکی آمیز پیغام موصول ہوا ہے۔انہوں نے کہا کہ مجھے لشکر جھنگوی کی طرف سے پیغام موصول ہوا، جس پر اسپیکر آغا سراج درانی نے کہا کہ آپ کو دھمکی دیتے ہوئے انہیں ڈر نہیں لگا؟۔
تازہ ترین