زندگی ایک ایسی چیز ہے جس کا کوئی نعم البدل نہیں لیکن کچھ لوگ اپنے شوق کی تکمیل کی خاطرجان داؤ پر لگانے سے بھی نہیں گھبراتے۔ذرااس خطروں کے کھلاڑی کو ہی دیکھ لیں جس نے کچھ کر دکھانے کی ٹھانی اور بغیر حفاظتی اقدامات کےملبورن کی بلند عمارت پر چڑھ گیا۔
ہانگ کانگ سے تعلق رکھنے والے27سالہCheungنامی نوجوان باریک راہداریوں سے گزرتے اور سیڑھیوں پر چڑھتے ہوئے ٹاور کے اوپر سِرے پر پہنچااور ہیڈ کیم کے ذریعے اپنی مہم جوئی فلمبند بھی کرتا دکھائی دیا جبکہ ڈرے بغیر مزے سے چاکلیٹ بھی کھائی۔
اونچائی پر پہنچ کر اس سر پھرے نے اپنی جان جوکھم میں ڈالتے ہوئے ٹاورپراپنی بہادری دکھائی جس کی معمولی سی غلطی بھی یقیناًاس کے لئے جان لیوا ثابت ہو سکتی تھی۔