آرمی چیف کی ترک وزیر خارجہ سے ملاقات

آرمی چیف جنرل قمر جاوید باجوہ سے ترک وزیر خارجہ میولوت چاوش اولو نے ملاقات کی جس میں علاقائی صورتحال پر تبادلہ خیال کیا گیا۔

آئی ایس پی آر کے مطابق ترک وزیر خارجہ جنرل ہیڈ کوارٹر پہنچے جہاں انہوں نے آرمی چیف جنرل قمر جاوید باجوہ سے ملاقات کی۔

ذرائع کے مطابق ملاقات کے دوران پاک ترک تعلقات سمیت علاقائی اور مشرق وسطیٰ کی صورتحال پر تبادلہ خیال کیا گیا۔

آئی ایس پی آر کے مطابق آرمی چیف اور ترک وزیر خارجہ کے مابین دفاع اور سلامتی سے متعلق دوطرفہ تعاون پر بھی بات چیت کی گئی۔

اس موقع پر ترک وزیر خارجہ نے خطے کے تنازعات کے حل کے لیے پاکستان کے کردار کو سراہا اور دونوں برادر ممالک کے درمیان مضبوط تعلقات کے لیے ساتھ کام کرنے کے عزم کا بھی اظہار کیا۔