میانوالی میں مسان ریلوے اسٹیشن کے قریب خوشحال خان ایکسپریس کا انجن اور 7بوگیاں پٹری سے اترگئیں، حادثے کے باعث 15مسافرزخمی ہوگئے۔
ریسکیو ذرائع کے مطابق حادثہ مسان ریلوے اسٹیشن کے قریب پیش آیا جہاں خوشحال خان ایکسپریس کا انجن اور 7 بوگیاں پٹری سے اترگئیں ۔
حادثے کے باعث 15مسافر زخمی ہوگئے، حادثے کے باعث ریلوے ٹریک بند ہوگیا اور کندیاں پنڈی سیکشن پر گاڑیوں کی آمدورفت معطل ہوگئی۔
واضح رہے کہ خوشحال خان ایکسپریس ملتان سے پشاورجارہی تھی، ریسکیو انچارج عبید اللہ خان کے مطابق کندیاں جنکشن سے امدادی ٹرین روانہ کر دی گئی ہے۔