• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عوام……،،

مبشر علی زیدی
آج کا اخبار
ادارتی صفحہ
19 ستمبر ، 2018

میں نے اخبار میں اشتہار دیکھا،

’’عوام کے ٹیکس سے چلنے والے گورنر ہاؤس کو عوام کے لیے کھول دیا گیا ہے۔‘‘

یہ پڑھ کر مجھے بہت خوشی ہوئی۔

میں گورنر ہاؤس دیکھنا چاہتا تھا۔

کل شام میں نے اپنا بہترین لباس پہنا۔

ٹیکسی میں بیٹھ کر گورنر ہاؤس پہنچا۔

دربان نے دروازے پر روک لیا۔

’’کدھر چلے بڑے میاں؟‘‘

اس نے حقارت سے پوچھا۔

میں نے اشتہار پڑھ کر سنایا،

’’عوام کے ٹیکس سے چلنے والے گورنر ہاؤس کو عوام کے لئے کھول دیا گیا ہے۔‘‘

دربان نے کہا،

’’پہلے یہ تو ثابت کرو کہ تم ٹیکس دیتے ہو۔‘‘

*****

(کہانی نویس کے نام کیساتھ ایس ایم ایس اور واٹس ایپ رائےدیں00923004647998)

تازہ ترین