• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لاہور میں کارپٹ کی 36ویں عالمی نمائش کے انعقاد کی تیاریاں جاری

آج کا اخبار
بزنس
21 ستمبر ، 2018

لاہور(این این آئی)پاکستان کارپٹ مینو فیکچررز اینڈ ایکسپورٹرزایسوسی ایشن نے کہا ہے کہ کارپٹ کی 36ویں عالمی نمائش کی کامیابی کیلئے ٹریڈ ڈویلپمنٹ اتھارٹی پاکستان سمیت دیگر ادارے اپنا بھرپور تعاون فراہم کر رہے ہیں ،17سے 19اکتوبر تک لاہور میں منعقد ہونے والی نمائش کی تیاریاں زور و شور سے جاری ہیں ۔ ایسوسی ایشن کے ترجمان نے کہا کہ کارپٹ انڈسٹری کو دوبارہ عروج پر لے جانے کیلئے ہر ممکنہ کاوشیں جاری ہیں اور تین روزہ عالمی نمائش اس کی بنیاد ثابت ہو گی ۔غیر ملکی خریداروں اور مندوبین سے رابطے جاری ہیں اور آنے والے چند دنوں میں انہیں حتمی شکل دیدی جائے گی ۔ ترجمان نے مزید کہا کہ اداروں کے تعاون کے بغیر نمائش کی کامیابی ممکن نہیں اور ہم مشکور ہیں کہ ٹی ڈیپ سمیت تمام متعلقہ ادارے اس کیلئے اپنا ہر طرح کا تعاون فراہم کر رہے ہیں ۔ ایسوسی ایشن کے نمائندے متعلقہ وزراء سے ملاقات کر کے پاکستانی مصنوعات کیلئے نئی منڈیوں کی تلاش اور خصوصاًمارکیٹنگ سے متعلق اپنی تجاویز پیش کریں گے۔

تازہ ترین