آپ آف لائن ہیں
جنگ ای پیپر
بدھ 15؍ شوال المکرم 1440ھ 19؍جون 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعظم عمران خان نے کہا ہے کہ ڈالر کے مقابلے میں روپے کی قدر گرنے سے گھبرانے کی ضرورت نہیں،سب ٹھیک ہوگا۔

اسلام آباد میں کار مینوفیکچرنگ پلانٹ کی افتتاحی تقریب سے خطاب میں عمران خان نے کہاکہ حکومت جو اقدام اٹھا رہی ہے اس سے مستقبل میں ڈالر کی قدر نہیں بڑھے گی۔


ان کا کہنا تھا کہ پرانے قرضوں کی قسطیں دینے کیلئے ڈالر چاہئیں، ڈالر کی کمی سے روپے کی قدر گری،سرمایہ کاری سے مزید ڈالرز آئیں گے جس سے ملک میں روپے کی قدر مستحکم ہوگی۔

وزیراعظم نے مزید کہا کہ ملک میں ہر سال 10 ارب ڈالرز کی منی لانڈرنگ ہے،ہم مکمل طورپر منی لانڈرنگ روکیں گے۔

انہوں نے یہ بھی کہا کہ پاکستان میں پہلی بار کار مینوفیکچرنگ یونٹ بننے جارہا ہے،5 ہزار پاکستانیوں کو نوکری ملے گی جو مستقبل میں 45 ہزار ہو جائيں گی۔

عمران خان کا کہنا تھا کہ سرمایہ کاری سے نوکریاں ملتی ہیں اور ملک میں ڈالر آتے ہیں،روپے کی قدر گرنے پر گھبرانےکی ضرورت نہيں، انشااللہ آگے جاکر سب ٹھیک ہوگا، ہم جوقدم اٹھارہے ہیں آگے جاکر ڈالر کی کمی نہیں ہوگی۔

وزیراعظم نے کہا کہ یہ بھی بدقسمتی ہے کہ ہم قرضہ لاتے ہیں تو کہا جاتا ہے کہ دورہ کامیاب ہوگیا،ڈالر کی کمی سے روپے کی قدر گری، سرمایہ کاری لائیں گے تو ڈالر کی کمی ختم ہوتی جائے گی۔

Chatاپنی رائے سے آگاہ کریں