• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

امریکا میں طویل ترین جزوی شٹ ڈاؤن کا ریکارڈ قائم

تازہ ترین
بین الاقوامی خبریں
13 جنوری ، 2019


امریکا میں طویل ترین جزوی حکومتی شٹ ڈاؤن کا ریکارڈ قائم ہوگیا ۔ حکومتی شٹ ڈاون کو 22 روز ہوگئے جس کے نتیجے میں آٹھ لاکھ ملازمین تنخواہوں سے محروم ہیں ۔

برطانوی میڈیا کے مطابق اراکین کانگریس امریکی صدر کے اگلے اقدام کے منتظر ہیں کہ وہ میکسیکو سرحد پر دیوار قائم کرنے کے لئے ہنگامی بنیادوں پر وفاق کے دوسرے ذرائع سے رقم کا بندوبست کرنے کا فیصلہ کرتے ہیں کہ نہیں۔


ٹوئٹر پیغام میں امریکی صدر ڈونلڈ ٹرمپ نے ڈیموکریٹس کو طویل ترین شٹ ڈاون کا ذمے دار ٹھہراتے ہوئے کہا ہے کہ امریکا کو جنوبی سرحد پر سنگین انسانی بحران کا سامنا ہے ۔

وہ خود تو وائٹ ہاوس میں ہیں ، ڈیموکریٹس چھٹیاں منارہے ہیں ، صدر ٹرمپ کا کہنا ہے کہ ہم اُس وقت تک اِس بحران سے نہیں نمٹ سکتے جب تک ڈیمو کریٹس کام پر واپس نہیں آجاتے ۔

تازہ ترین