• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

برلن انٹرنیشنل فلم فیسٹیول کا آغاز ہوگیا

تازہ ترین
انٹرٹینمنٹ
08 فروری ، 2019


جرمنی کے دار الحکومت برلن میں 69ویں سالانہ بین الاقوامی برلن فلم فیسٹیول کا رنگا رنگ آغاز ہوگیا ہے جس میں دنیا بھر سے آئے فلمی ستارے شریک ہیں۔

فلم فیسٹیول کا آغاز ڈینش فلم’ دی کائنڈنیس آف اسٹرینجرز‘ (The Kindness of Strangers) کے رنگا رنگ ورلڈ پریمیئر سے ہوا جس میں فلم کی کاسٹ اور پروڈکشن ٹیم نے شرکت کی۔

برلن فلم فیسٹیول میں شرکت کے لیے فلمی دنیا سے بڑی تعداد میں ہدایتکار، اداکار،پروڈیوسرز اور رائٹرز کی بڑی تعدادیہاں پہنچی ہے۔

برلن انٹرنیشنل فلم فیسٹیول کا آغاز ہوگیا

اس فیسٹیول کے دوران رواں برس ریلیز ہونے والی کئی فلمز پیش کی جائیں گی جبکہ ان فلموں میں وہ بھی شامل ہیں جو ممکنہ طور پر آئندہ برس آسکر ایوارڈ کے لیے نامزد ہوسکتی ہیں۔

رواں برس اس فلم فیسٹیول میں 17فلموں کو گولڈن بیئر ایوارڈ کے لیے نامزد کیا گیا ہے جس کا اعلان14فروری کو کیا جائے گا۔

7فروری سے شروع ہونے والا یہ رنگا رنگ ایونٹ11روز تک جاری رہنے کے بعد17فروری کو اختتام پذیر ہوگا۔

تازہ ترین