آپ آف لائن ہیں
جنگ ای پیپر
جمعہ 9 جمادی الثانی 1440ھ 15 فروری 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی کے علاقے گلستان جوہر اور گلشن اقبال میں صفائی کے بہانے گھروں کا صفایا کرنے والی پاکپتن کی خواتین کا گروہ پکڑا گیا۔

علاقہ مکینوں نے 3 گھروں میں کام کرنے والی خواتین کو رنگے ہاتھوں پکڑا تو پولیس نے ان کی نشاندہی پر مزید 6 خواتین کو گرفتار کر لیا۔

گلستان جوہر میں پولیس نے کارروائی کرتے ہوئے مختلف علاقوں میں گھروں کا صفایا کرنے میں ملوث 3 ماسیوں کو گرفتار کر لیا، جن کی نشاندہی پر گلستان جوہر اور گلشن اقبال میں کارروائی کر کے مزید 6 خواتین ماسیوں کو گرفتار کیا گیا ہے۔

ایس پی گلشن اقبال طاہر نورانی کا کہنا ہے کہ مضافاتی علاقے میں مقیم خواتین کا گروہ پاکپتن کا رہنے والا ہے اور تمام خواتین آپس میں رشتے دار ہیں۔

خواتین گروہ کی ارکان مرد حضرات کی غیر موجودگی میں پہلے کسی بھی بنگلے میں ملازمت حاصل کرکے اعتماد قائم کرتی تھیں اور ایک یا دورز میں موقع پا کر کام دکھا دیتی تھیں۔

خواتین سے چوری کے زیورات خریدنے والوں کی بھی تلاش جاری ہے، گرفتار خواتین سے نقدی، زیورات اوردیگر اشیاء برآمد کر کے مزید تفتیش کی جا رہی ہے۔

Chatاپنی رائے سے آگاہ کریں