نمر مجید عدالت سے فرار

15 مارچ ، 2019

نمر مجید، ذوالقرنین، علی کمال عدالت سے فرار

بینکنگ کورٹ کے میگا منی لانڈرنگ کیس کو کراچی سے اسلام آباد منتقل کرنے کے فیصلے کے بعد 3 ملزمان عدالت سے فرار ہوگئے۔

ذرائع کے مطابق انور مجید کا بیٹا ملزم نمر مجید، ذوالقرنین اور علی کمال عدالت سے فرار ہوگئے جن کے تعاقب میں ایف آئی کی ٹیم روانہ ہوئی ہے۔

اس سے قبل کراچی کی بینکنگ کورٹ نے میگا منی لانڈرنگ کیس کی سماعت کے دوران مقدمہ کراچی سے اسلام آباد منتقل کرنے کا حکم دے دیا۔

کراچی کی بینکنگ کورٹ نے میگا منی لانڈرنگ کیس میں سابق صدر آصف زرداری اور فریال تالپور سمیت دیگرملزمان کی ضمانتیں واپس لےلی ہیں جبکہ تمام ملزمان کے زرِ ضمانت بھی خارج کرنے کا حکم دیا ہے۔