آپ آف لائن ہیں
جنگ ای پیپر
پیر21؍رمضان المبارک 1440ھ27؍مئی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

غزالی انسٹی ٹیوٹ میں یوم پاکستان کی تقریب،طلبہ نے ملی نغمےاورخاکے پیش کئے

پشاور (خصوصی نامہ نگار) غزالی انسٹی ٹیوٹ آف میڈیکل سائنسز میں یوم پاکستان کے موقع پر تقریب کا انعقاد کیا گیا ، ڈائریکٹر پاکستان سٹڈی سنٹر پشاور یونیورسٹی ڈاکٹر فخر الاسلام تقریب کے مہمان خصوصی تھے، انسٹی ٹیوٹ کے ڈائریکٹر محمد ابراہیم، فیکلٹی ارکان، طلبہ اور زندگی کے مختلف شعبوں سے تعلق رکھنے والے افراد تقریب میں شریک ہوئے، طلبہ نے ملی نغمے، خاکے پیش کئے اور مشاعرے میں حصہ لیا۔ڈاکٹر فخر الاسلام نے خطاب کرتے ہوئے کہا کہ آج اس مبارک دن کے موقع پر عہد کرنا ہوگا کہ روزمرہ زندگی میں نظم وضبط، صفائی، یگانگت، اتحاد واتفاق کا مظاہرہ کرتے ہوئے ملکی ترقی میں کردار ادا کریں گے۔ انہوں نے کہا کہ پاکستان پر اللہ تعالیٰ کرم ہے کہ نوجوانوں کی بڑی تعداد موجود ہے حکومت نوجوانوں کو کارآمد شہری بنانے کے لئے معیاری تعلیم وتربیت کا بندوبست کرے، نوجوانوں پر بھاری ذمہ داری عائد ہوتی ہے وہ محنت کرتے ہوئے اپنے شعبوں میں کمال پیدا کریں۔ تقریب میں مختلف سرگرمیوں میں حصہ لینے والے طلبہ میں میڈلز اور ایوارڈز تقسیم کئے گئے ۔

Chatاپنی رائے سے آگاہ کریں