عمران خان آج لوئر اورکزئی میں جلسہ عام سے خطاب کریں گے

وزیراعظم عمران خان آج لوئر اورکزئی کا دورہ اور جلسہ عام سے خطاب کریں گے، ضلع اورکزئی میں کسی وزیراعظم کا 25 سال بعد یہ تیسرا دورہ ہے۔

لوئر اورکزئی کے علاقے کلایہ میں وزیراعظم عمران خان کے جلسے کی تیاریاں مکمل ہوگئیں، جلسہ گاہ میں اسٹیج تیار کرلیا گیا جبکہ 10 ہزار کرسیاں لگائی گئی ہیں۔

تحریک انصاف کے کارکن اور اورکزئی کے عوام میں جلسے کے لیے جوش وخروش پایا جاتا ہے، جلسہ گاہ اور اطراف میں سیکورٹی کے بھی انتہائی سخت انتظامات کیے گئے ہیں۔

لوئر اورکزئی کے عوام کو عمران خان کے دورے سے کافی توقعات بھی وابستہ ہیں۔