ڈونلڈ ٹرمپ ٹوئٹرز پر فالوورز کم ہونے سے پریشان

امریکی صدر ڈونلڈ ٹرمپ ان دنوں اپنی تیزی کے ساتھ گرتی مقبولیت سے پریشان ہیں اور یہی وجہ ہے کہ گذشتہ دنوں انہوں نے ٹوئٹر کے فالوورز کم ہونے پر سماجی ویب سائٹ پر جانبداری کا الزام لگایا۔

اس الزام کے بعد ٹوئٹر کے چیف جیک ڈورسے نے امریکی صدر سے تفصیلی ملاقات کی جس میں ٹرمپ نے اپنے فالوورز کی تعداد میں کمی کا شکوہ کیا۔

رپورٹ کے مطابق ملاقات کا زیادہ تر وقت انہوں نے اس ہی مسئلے پر بات چیت کرتے ہوئے گزارا۔

ملاقات کے بعد ٹرمپ نے ٹوئٹر پر پیغام جاری کرتے ہوئے اس کی تفصیلات بتائیں جس پر ٹوئٹر چیف نے بھی وقت دینے پر انکا شکریہ ادا کیا۔