فلم ’چھا جا رے‘ میں 25 سے زائد فنکار کی شرکت

05 مئی ، 2019

فلم ’چھا جا رے‘ میں بیشتر فنکاروں کی انٹری متوقع

پاکستان کے مشہور ہدایت کار جبران بشیر کی نئی آنے والی فلم ’چھاجا رے‘ میں 25 سے زائد فن کار خصوصی شرکت کریں گے۔

میڈیا رپورٹس کے مطابق پاکستان کے معروف اداکار جاوید شیخ اور لیجنڈ اداکار ندیم بیگ کی نئی آنے والی فلم ’چھا جا رے‘ کے ایک گانے میں 25 سے زائد فن کاروں کو شامل کیا گیا ہے۔

فلم ’چھا جا رے‘ کی کہانی ایسے نوجوانوں پر مبنی ہے جو اسکول کو مسمار ہونے سے بچاتے ہیں اور نظام تعلیم ا ور کھیل کی ترقی کےلیے جدو جہد کرتے ہیں۔

فلم ’چھا جا رے‘ میں 25 سے زائد فنکار کی شرکت

اس کے علاوہ فلم میں آئٹم سانگ بھی شامل کیا گیا ہے جس میں بالی ووڈ کی اداکارہ ادیتی سنگھ ڈانس کرتی نظر آئیں گی۔ فلم ’چھا جا رے‘ کا اعلان گزشتہ برس کیا گیا تھا جس کی شوٹنگ کراچی میں شروع کی جا چکی ہے۔

اس فلم میں لالی ووڈ کے دو لیجنڈ اداکار ندیم بیگ اور جاوید شیخ کے علاوہ اداکارہ میرا، ثنا اکرم، متھیرا، علیشا رضی، مدیحہ حسن، اداکار شہروز سبزواری، اعجاز اسلم، ریمبو، ناصر خان جان سمیت 25 فنکار خصوصی شرکت کرتے نظر آئیں گے۔

تازہ ترین