آفریدی نے جو کہا حقیقت اُس سے زیادہ ہے، شعیب اختر

سابق فاسٹ بولر اور راولپنڈی ایکسپریس شعیب اختر نے سابق آل راؤنڈر شاہد آفریدی کی کتاب میں کیے جانے والے انکشافات پر ردعمل دیتے ہوئے کہا ہے کہ آفریدی نے سینئرز کے سخت رویے پر جو کچھ لکھا ہے، حقیقت اس سےکہیں زیادہ ہے، آفریدی کو اس بارے میں کچھ مزید کہنا چاہئے تھا۔

سماجی رابطے کی ویب سائٹ ٹوئٹرپر بیان میں کہا ہے کہ دراصل شاہد آفریدی کو یہ باتیں 20 سال پہلے کہہ دینی چاہئے تھیں، اگر وہ صحیح وقت پر یہ باتیں کہہ دیتے تو اُنہیں کتاب لکھنے کی ضرورت نہیں پڑتی۔

واضح رہے کہ قومی ٹیم کے سابق کپتان شاہد آفریدی نے اپنی سوانح عمری ’گیم چینجر‘ میں لیجنڈری جاوید میانداد ، سابق کوچ وقار یونس اور انضمام الحق سمیت کئی سینئرز کھلاڑیوں کو تنقید کا نشانہ بنایا ہے۔

’آفریدی کی باتیں سن کر ہنسی آتی ہے‘

سابق کپتان اور پاکستانی کرکٹ لیجنڈ جاوید میانداد...

جاوید میانداد نے ردعمل دیتے ہوئے کہا تھا کہ شاہد آفریدی محض اپنی کتاب کی تشہیر کے لیے ایسا کر رہے ہیں، کتاب میں اُن کی باتیں سن کر ہنسی آتی ہے۔

پاکستان کرکٹ میں خرابی کا ذمہ دار آفریدی ہے، عمران فرحت

سابق ٹیسٹ کرکٹر عمران فرحت نےسابق کپتان شاہد...

سابق اوپنر عمران فرحت نے بھی کتاب میں شاہد آفریدی کے انکشافات پر افسوس کا اظہار کیا ہے۔