’’چیئرمین نیب کیخلاف اسکینڈل میں پیپلزپارٹی کا ہاتھ نہیں‘‘

29 مئی ، 2019

سابق صدر اور پیپلز پارٹی کے شریک چیئرمین آصف علی زرداری نے کہا کہ چیئرمین نیب کےخلاف اسکینڈل میں پیپلزپارٹی کا کوئی ہاتھ نہیں۔

اسلام آباد ہائی کورٹ پہنچنے پرسابق صدر سے صحافی نے سوال کیا تھا جس کے جواب میں انہوں نے یہ بات کی۔

سابق صدر آصف علی زرداری نے یہ بھی کہا کہ چیئرمین نیب کا متبادل جس نے ڈھونڈنا ہے وہ ڈھونڈے۔

واضح رہے کہ میگا منی لانڈرنگ کیس میں ضمانت میں توسیع کے لیے سابق صدر آصف زرداری اسلام آباد ہائیکورٹ میں پیش ہوئے ہیں۔

نیب نے پیپلز پارٹی کے چیئرمین بلاول بھٹو زرداری اور شریک چیئرمین آصف علی زرداری کو جعلی اکاؤنٹس کیس میں آج الگ الگ طلب کیا تھا۔

نیب کے ہیڈکوارٹر میں بلاول بھٹو زرداری پیش ہو گئے جبکہ تاہم آصف علی زرداری نے نیب میں پیشی سے معذرت کر لی تھی، وہ گزشتہ پیشی پر بھی مصروفیت کے باعث نہیں آ سکے تھے۔

ذرائع کا یہ بھی کہنا ہے کہ نیب کی مشترکہ تحقیقاتی ٹیم آصف زرداری کی عدم پیشی کے بارے میں آج فیصلہ کرے گی۔

تازہ ترین