آٹھ ماہ بیت گئے، گھر کب جاؤں گا۔۔۔

31 مئی ، 2019

کینسر کے علاج کی غرض سے امریکا میں آٹھ ماہ سے مقیم بالی ووڈ کے ورسٹائل اداکار رشی کپور کو گھر کی یاد ستانے لگی۔

انہوں نے سوشل میڈیا پر پیغام جاری کرتے ہوئے مایوسی کا اظہار کیا۔ انہوں نے کہا کہ ’’آج مجھے امریکا میں آٹھ ماہ ہو گئے ہیں ، میں گھر کب جاؤں گا؟‘‘

رواں ماہ کے آغاز میں 66 سالہ اداکار نے بھارتی میڈیا سے گفتگو میں کہا تھا کہ وہ اب کینسر فری ہو گئے ہیں ان کا علاج آخری مراحل میں ہے ۔

انہوں نے یہ بھی بتایا تھا کہ ان کو ’بون میرو ٹرانسپلانٹ‘ کروانا جس کی وجہ سے انہیں اپنی واپسی چند ماہ کے لیےمؤخر کرنی پڑی ہے۔رواں ماہ مارچ میں یہ خبریں سامنے آرہی تھیں کہ رشی کپور گھر واپسی کے لئے بے چین ہیں اور دن گن رہے ہیں۔

کہا جا رہا تھا کہ رشی کپور کو اپنے صاحبزادے اور بالی ووڈ کے چاکلیٹی ہیرو رنبیر کپور کی اداکارہ عالیہ بھٹ سے مبینہ شادی کی تیاریاں کرنی ہیں مگر ابھی ان کی صحت اس قابل نہیں کہ وہ واپس آئیں۔

واضح رہے اداکار رشی کپور کو پچھلے سال کینسر کی تشخیص کی گئی تھی جس کے بعد وہ ستمبر سے نیویارک میں کینسر کے علاج کے لئے مقیم تھے۔کئی بالی ووڈ اداکار ان کی عیادت کی غرض سے امریکا گئےتھے۔

تازہ ترین