آپ آف لائن ہیں
جنگ ای پیپر
بدھ 15؍ شوال المکرم 1440ھ 19؍جون 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھارتی وزیراعظم نریندر مودی اجازت ملنے کے باوجود پاکستان کی فضائی حدود سے نہیں گزریں گے۔

وزارت خارجہ کے ذرائع سے بھارتی میڈیا نے اپنی رپورٹ میں کہا کہ نریندر مودی کا طیارہ شنگھائی تعاون تنظیم (ایس سی او) سمٹ کے لئے کرغزستان ( بشکک) جانے کےلئے پاکستانی فضائی حدود استعمال نہیں کرے گا۔

مودی کےطیارے کو پاکستانی حدود سےگزرنےکی اجازت

بھارتی وزیر اعظم نریندرمودی کےطیارے کوپاکستانی...

بھارتی وزارت خارجہ کے مطابق وزیراعظم نریندر مودی بشکک جانے کے لئے اومان اور ایران کا متبادل راستہ اختیار کریں گے۔

بھارتی میڈیا کی رپورٹ کے مطابق وزارت نے اپنے بیان میں کہا کہ بھارتی حکومت نے وی وی آئی پی طیارے کے لیے 2 راستے بتائے، جن میں سے اومان، ایران اور وسطی ایشیائی ممالک سے بشکک جانے کا راستہ اختیار کرنے کا فیصلہ کیا گیا ہے۔

اس سے قبل یہ اطلاعات سامنے آئی تھیں کہ پاکستان نے جذبہ خیر سگالی کے طور پربشکک جانے کےلئے نریندر مودی کے طیارے کے لئے خصوصی طور پر فضائی حدود کھولنے کی اجازت دی تھی۔

 ایوی ایشن ڈویژن کو اسلام آباد میں قائم بھارتی ہائی کمیشن سے نریندر مودی کے طیارے کو پاکستانی فضائی حدود سے گزرنے کی درخواست موصول ہوئی تھی، جس کے بعد وزیر اعظم نے تمام اسٹیک ہولڈرز سے مشاورت کے بعد بھارتی وزیراعظم کے لیے فضائی حدود کھولنے کی ہدایت کی تھی۔

Chatاپنی رائے سے آگاہ کریں