آپ آف لائن ہیں
جنگ ای پیپر
جمعہ17؍ ربیع الاوّل 1441ھ 15؍ نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

عمران نے ٹیگورکا قول خلیل جبران کےنام سے ٹوئٹ کردیا

وزیر اعظم عمران خان نے بنگالی نوبل انعام یافتہ ادیب رابندر ناتھ ٹیگور کا قول خلیل جبران کے نام سے ٹوئٹ کردیا۔

ساتھ لکھا کہ خلیل جبران کے ان الفاظ کی دانائی کو سمجھنے والے پُرسکون زندگی گزارنے میں کامیاب رہتے ہیں۔

وزیراعظم عمران خان نے بدھ کو اپنے ٹوئٹر اکائونٹ پر ایک مشہور قول پوسٹ کرکے یہ بتایا تھا کہ ایک مطمئن زندگی کیسے گزاری جاتی ہے۔

دراصل وزیراعظم نے رابندر ناتھ ٹیگور کا ایک قول پوسٹ کیا تھا جس میں کہا گیا تھا کہ میں جو سوتا ہوں اور جو خواب دیکھتا ہوں یہ سب کچھ زندگی کی خوشیاں اور شادمانی ہے، اور جب میں جاگتا ہوں تو دیکھتا ہوں کہ زندگی دراصل خدمت کا نام ہے۔اور جب میں خدمت کرتا ہوں تو میں دیکھتا ہوں کہ زندگی کی اصل خوشی خدمت ہے۔

تاہم وزیراعظم نے غلطی سے اسے لبنان سے تعلق رکھنے والے ادیب و شاعر خلیل جبران کا قول قرار دیا اور اسے اپنے فالوورز سے اس عنوان سے شیئر کیا، ’’جوجبران کے الفاظ کو دریافت کرے اور اسے سمجھے تو وہی اطمینان کی زندگی گزار سکتا ہے‘‘

قومی خبریں سے مزید