پیرس: زنگ آلود ریوالور 2 کروڑ میں نیلام

22 جون ، 2019

شہرہ آفاق ڈچ مصور وین خوخ کی جانب سے خودکشی میں استعمال کیا جانے والا زنگ آلود ریوالور ریکارڈ قیمت 2 کروڑ روپے سے زائد میں فروخت کر دیا گیا۔

فرانس کے دارالحکومت پیرس کے آکشن ہاؤس میں نیلامی کیلئے پیش کی گئی وین خوخ کی پستول کو ایک ایک شخص نے ایک لاکھ 83ہزار ڈالر میں خریدا۔

وین خوخ نے مسلسل ذہنی مسائل اور بیماریوں سے لڑنے کے بعد تنگ آکر 1890 میں 37 سال کی عمر میں خود کو اسی پستول سے زخمی کر لیا تھا اور وہ کچھ دن بعد زخموں کے تاب نہ لاتے ہوئے چل بسے تھے۔

معروف مصور وین خوخ کو اپنی زندگی میں انتہائی کم عمری میں ہی شہرت مل گئی تھی تاہم موت کے بعد وہ بے انتہا مشہور ہوگئے اور ان کی پینٹنگز ریکارڈ قیمت میں فروخت ہونے لگیں۔

تازہ ترین