شاہ محمود کا سعودی عرب سے پاکستان واپسی کا فیصلہ

وزیر خارجہ شاہ محمود قریشی نے سعودی عرب سے پاکستان واپسی کا فیصلہ کرلیا ہے۔

ترجمان دفتر خارجہ محمد فیصل کے مطابق وزیر خارجہ نے کشمیر کی تشویشناک صورتحال کے پیش نظر سعودی عرب سے وطن واپسی کا فیصلہ کیا ہے۔

ترجمان کے مطابق وزیر خارجہ شاہ محمود قریشی فریضہ حج کی ادائیگی کےلئے گزشتہ روز مکہ مکرمہ پہنچے تھے۔

کشمیر سے متعلق پارلیمنٹ کا مشترکہ اجلاس جاری ہے، جس سے وزیراعظم عمران خان اور اپوزیشن لیڈر شہباز شریف خطاب کرچکے ہیں۔