پشاور (نیوز ڈیسک) ناظم ٹائون ون زاہد ندیم نے شالیمار باغ میں پودا لگا کر مون سون شجرکاری مہم کا آغاز کردیا۔ اس موقع پر ٹی ایم او ٹائون ون سلیم خان اور دیگر افسران بھی ان کے ہمراہ تھے۔ اس موقع پر انہوں نے کہا کہ محکمہ جنگلات کے تعاون سے پلانٹ فارپاکستان مہم کے سلسلے میں مختلف اقسام کے پودے لگائے جائیں گے۔ کرہ ارض پر درختوں کی موجودگی بڑی اہمیت کی حامل ہے جو نہ صرف دھرتی کے حسن میں اضافہ بلکہ ماحولیاتی آلودگی پر قابو پانے میں بھی اہم کردار ادا کرتے ہیں۔ ہر شہری کو شجرکاری مہم میں حصہ لے کر اپنے حصے کا پودا ضرور لگانا چاہئے۔