آپ آف لائن ہیں
جنگ ای پیپر
بدھ 18؍محرم الحرام 1441ھ 18؍ستمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ہالی ووڈ فلم ’بامب شیل‘ کے ٹیزر نے دھوم مچا دی


حقیقی واقعے پر مبنی ہالی ووڈ کی نئی فلم ’بامب شیل ‘ کے ٹیزر نے ریلیز ہوتے ہی دھوم مچا دی۔

ہدایت کار جے روچ اور مصنف چارلس رینڈولف کی تحریر کردہ فلم ’بامب شیل‘کا ٹیزر ماضی میں فاکس نیوز سے وابستہ خواتین کے فاکس نیوز کے بانی راجر آئس پر عائد کردہ الزامات میں شامل خفیہ نیٹ ورکس کے شامل ہونے کا پتہ دیتا ہے۔

01منٹ 27سیکنڈ پر مبنی فلم کے ٹیزر میں دیکھا جا سکتا ہے کہ فاکس نیوز کی تین خواتین اینکر انتہائی بے چین اور بے آرام لفٹ مین سفر کررہی ہیں۔

ٹیزر فوٹیج کے درمیان میں فلم کے ڈائریکٹر جے روچ ’جو کچھ سرگوشی سے شروع ہوا تھا ، سب ختم ہوجائے گا ‘ پڑھ رہے ہیں۔

شائقین فلم کو بامب شیل کا بے صبری سے انتظار ہے۔ اس بات کا اندازہ اس بات سے لگایا جا سکتا ہے کہ گوگل کے ٹرینڈز پر ’بامب شیل‘ سرفہرست ہےاور اسے اب تک 5لاکھ سے زائد افراد گوگل پر سرچ کر چکے ہیں اور اس فلم میں کرداروں اور کہانی سے وابستہ چیزیں شیئر کر رہے ہیں۔

فلم رواں سال 20دسمبر کو ریلیز کی جائے گی ۔

واضح رہے کہ فاکس نیوز کی 50سالہ اینکر گریچن کارلسن نے2016میں چینل کے سابق سی ای او76سالہ راجرایلس پر الزام لگایا تھا کہ انہوں نے جنسی تعلقات قائم نہ کرنے کی پاداش میں نہ صرف انہیں ٹی وی شو سے علیحدہ کیا بلکہ انکی تنخواہ بھی کاٹ لی۔

گریچن کی جانب سے الزا م عائد کیے جانے کے تین ہفتے بعد راجر ایلس جولائی  2016میں اپنے عہدے سے سبکدوش ہوگئے تھے۔

انٹرٹینمنٹ سے مزید