آپ آف لائن ہیں
جنگ ای پیپر
منگل 22؍ صفر المظفّر1441ھ22؍ اکتوبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

ملائیشین وزیراعظم مہاتیر محمد نے مظلوم کشمیریوں کےحق میں آواز بلند کرکے دل جیت لئے ، پاکستانی ہائی کمشنر

ٹوکیو (عرفان صدیقی) ملائیشیا کے وزیر اعظم مہاتیر محمد نے اقوام متحدہ میں مظلوم کشمیریوں کے حق میں آوازبلند کرکے پاکستانی اور کشمیری عوام کے دل جیت لیے ہیں جبکہ بھارتی دباؤ کے باوجود وہ آج بھی اپنے موقف پر قائم ہیں۔ یہ بات ملائشیا میں پاکستانی ہائی کمشنر محترمہ آمنہ بلوچ نے جنگ سے خصوصی گفتگو کرتے ہوئے کہی ۔ انہوں نے کہا کہ 80؍ ہزار پاکستانی ملائیشیاکی ترقی میں اہم کردار ادا کررہے ہیں جبکہ بھاری زرمبادلہ بھیج کرپاکستانی معیشت کو بھی سہارا فراہم کر رہے ہیں، اس وقت 150؍ پاکستانی سنگین جرائم میں مقامی جیلوں میں قید ہیں۔ اس سوال کے جواب میں پاکستانی ہائی کمشنر نے کہا کہ پاکستان اور ملائیشیا کی دو طرفہ تجارت ایک اعشاریہ ایک ارب ڈالر کے لگ بھگ ہے جس میں ملائیشیا کا حصہ 90؍ فیصد ہے تاہم پاکستانی برآمدات میں اضافے کے لیے کوشاں ہیں، 80؍ ہزار پاکستانیوں کے حوالے سے ہماری سفارتخانے میں اسٹاف کم ہے۔

دنیا بھر سے سے مزید