• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بابری مسجد کیس کے فیصلے سے بھارت کے ٹکڑے ہو جائیں گے، شیخ رشید

تازہ ترین
قومی خبریں
09 نومبر ، 2019
بابری مسجد کیس کے فیصلے سے بھارت کے ٹکڑے ہو جائیں گے، شیخ رشید

وزیر ریلوے شیخ رشید احمد کا کہنا ہے کہ بھارتی سپریم کورٹ کے فیصلے سے بھارت کے ٹکڑے ہو جائیں گے، مودی نےبھارت کی تقسیم کی بنیاد رکھ دی ہے۔

بابری مسجد کیس کے فیصلے سے بھارت کے ٹکڑے ہو جائیں گے، شیخ رشید


بھارتی سپریم کورٹ کی جانب سے بابری مسجد کیس کے فیصلے پر تبصرہ کرتے ہوئے وزیر ریلوے شیخ رشید احمد نے کہا کہ آج بھارتی مسلمانوں کو یقین ہوگیا ہے کہ پاکستان بننا ہی اصل حقیقت تھا۔

شیخ رشید نے کہا ہے کہ بھارتی مسلمان اب پاکستان کی طرف دیکھ رہے ہیں۔

واضح رہے کہ بھارتی عدالتِ عظمیٰ نے تعصب پر مبنی بابری مسجد کیس کا فیصلہ آج سناتے ہوئے بابری مسجد کی متنازع زمین ہندوؤں کو دینے کا حکم دیا ہے اور کہا ہے کہ مندر کی تعمیر کے لیے تین ماہ میں ٹرسٹ قائم کیا جائے جبکہ مسلمانوں (سنی وقف بورڈ) کو ایودھیا میں متبادل 5 ایکڑ زمین دی جائے۔

بھارتی سپریم کورٹ نے شیعہ وقف بورڈز اور نرموہی اکھاڑے کی درخواستیں مسترد کرتے ہوئے خارج کر دی ہیں۔

تازہ ترین