کراچی اردو میلے میں عالمی مشاعرہ

آرٹس کونسل آف پاکستان کراچی میں جاری 12 ویں عالمی اردو کانفرس کے سبزہ زار میں مشاعرے کا انعقاد کیا گیا جو رات گئے تک جاری رہا۔

محفل مشاعرے کے مہمان خصوصی وزیرِ ثقافت سید سردار علی شاہ تھے جبکہ میزبانوں میں عنبرین حسیب عنبر، فیصل سبزواری ، شکیل خان، محترمہ شہلا رضا، سابق سینیٹر تاج حیدر، اراکینِ گورننگ باڈی اور ممبر آرٹس کونسل شامل تھے۔

اس موقع پر دنیا بھر سے آئے شعراء نے اپنا کلام پیش کر کے حاضرین محفل سے داد سمیٹی، شعراء میں خالد شریف، میر احمد نوید، اجمل سراج، محبوب ظفر، قمر رضا شہزاد، سعود عثمانی، محمودہ غازیہ، حمیدہ شاہین، شکیل جاذب، احمد عطاء اللّٰہ، نجمہ عثمان، عنبرین حسیب عنبر، محترمہ راحت زاہد، رنجیت سنگھ چوہان، وکیل انصاری، ریحانہ قمر، صدف مرزا، عشرت معین سیما، ثمن شاہ، سید ہما طاہر، تہمینہ راؤ، مہ جبیں غزل انصاری، شہزاد شرجیل، فرخ اقبال، اجمل سراج، علاؤ الدین خانزادہ، ریحانہ روحی شامل تھے۔

حاضرین محفل شعر و سخن کی محفل سے رات گئے تک لطف اندوز ہوتے رہے۔