آپ آف لائن ہیں
ہفتہ8؍ صفر المظفّر 1442ھ 26؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

حمزہ عباسی نے ہدایت کاری کے میدان میں قدم رکھ دیا

گزشتہ ماہ شوبز انڈسٹری سے عارضی طور پر کنارہ کشی اختیار کرنے والے حمزہ علی عباسی اداکار ہمایوں سعید کی حب الوطنی کے موضوع پر فلم کی ہدایت کاری کریں گے۔

اپنے ایک انٹرویو میں ہمایوں سعید نے اپنے دوست اور سابق اداکار حمزہ علی عباسی کی ہدایت کاری کی دنیا میں قدم رکھنے کی تصدیق کی ہے۔

انہوں نے کہا کہ فلم ’میں ہوں آفریدی‘، ’جوانی پھر نہیں آنی‘، ’وار‘ اور فلم ’لیجنڈ آف مولا جٹ‘ میں مرکزی کردار ادا کرنے والے اداکار حمزہ علی عباسی اب بطور ہدایت کار کام کریں گے۔

یہ بھی پڑھیے: حمزہ علی عباسی نے شوبز چھوڑ دیا

ہمایوں سعید نے کہا دراصل حمزہ علی عباسی نے کچھ مدت کے لیے شوبز کو خیرباد کہنے کا فیصلہ کیا تھا لیکن مستقبل میں وہ حب الوطنی اور روحانیت پر مشتمل کرداروں میں نظر آئیں گے۔

 یہ بھی دیکھئے: اداکاری کے بعد حمزہ سیاست بھی چھوڑدیں گے؟


اپنے دوست اور ساتھی اداکار حمزہ علی عباسی کے شوبز سے کنارہ کشی اختیار کرنے کے فیصلے پر بات کرتے ہوئے ہمایوں سعید کا کہنا تھا کہ حمزہ کچھ عرصے سے اسکالر بننے کا سوچ رہے تھے جس کے لیے انہوں نے تعلیم بھی حاصل کرنی شروع کردی تھی۔

ہمایوں سعید نے یہ بھی انکشاف کیا کہ وہ آئندہ سال حمزہ کے ساتھ بطور پروڈیوسر فلم بنائیں گے۔

ہمایوں سعید نے کہا کہ وہ حب الوطنی کے موضوع پر فلم بنانے کی منصوبہ بندی کرر رہے ہیں جس کی ہدایت کاری حمزہ علی عباسی کریں گے۔

انہوں نے یہ بھی بتایا کہ پروجیکٹ کے حوالے سے سوائے نام کے تقریباً ہر چیز مکمل ہے۔

واضح رہے کہ حمزہ علی عباسی اور ہمایوں سعید نے فلم ’جوانی پھر نہیں آنی‘ میں ساتھ کام کیا تھا۔

انٹرٹینمنٹ سے مزید