• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جیکب آباد: ہندو برادری کا قومی شاہراہ پر احتجاجی دھرنا

تازہ ترین
قومی خبریں
20 جنوری ، 2020


جیکب آباد میں ہندو برادری نے قومی شاہراہ پر بائی پاس کے مقام پر احتجاجی دھرنا دے دیا۔

ہندو برادری کے رہنما بابو مہیش لاکھانی نے میڈیا سے گفتگو میں کہا کہ مہک کماری کو اغوا کیا گیا ہے، پولیس تعاون نہیں کررہی۔

انہوں نے مزید کہا کہ احتجاج اس وقت تک جاری رہے گا جب تک لڑکی بازیاب نہیں ہوجاتی۔

دو روز قبل مہک کماری منظر عام پرآئی تھی، اس نے اپنے ویڈیو بیان میں اسلام قبول کرنے کے بعد رضا سولنگی سے شادی کرنے کا اقرار کیا تھا۔

مہک کماری نے آج عدالت کے روبرو پیش ہوکر اعتراف کیا کہ اس نے اسلام قبول کرلیا ہے، اس کا اسلامی نام علیزہ ہے۔

لڑکی نے عدالت کو یہ بھی بتایا کہ اس نے رضا سولنگی سے شادی کرلی ہے، عدالت نے رضا سولنگی کی عدم موجودگی کے باعث سماعت ملتوی کردی۔

تازہ ترین