آپ آف لائن ہیں
اتوار18؍ذی الحج 1441ھ 9؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

آٹا، گندم کے بحران پر سینیٹ میں قرارداد منظور

آٹے اور گندم کے بحران پر حکومت کا غیر سنجیدہ رویہ اور نا اہلی واضح ہوگئی، بحران نے غریب عوام کی کمر توڑ دی۔ سینیٹ نے آٹے اور گندم کے بحران پر قرارداد منظور کرلی۔

قرارداد میں کہا گیا ہے کہ حکومت عوام کو ریلیف فراہم کرنے میں ناکام ہوگئی ہے۔

آٹے اور چینی کے بحران پر ایف آئی اے کی رپورٹ سینیٹ میں پیش نہ کیے جانے پر اپوزیشن نے واک آؤٹ کیا۔

وزیر پارلیمانی امور اعظم سواتی نے کہا کہ انہوں نے ایف آئی اے کی رپورٹ سے متعلق وزیر اعظم کو خط لکھا تھا۔ پیغام آیا کہ ایف آئی اے کی رپورٹ پر کچھ سوالات اور مشاہدات سامنے آئے، رپورٹ پر سوالات اور مشاہدات کو وضاحت کے لیے بھیجا گیا ہے۔

انہوں نے کہا کہ آئندہ اجلاس میں رپورٹ پیش کر دیں گے۔ اربوں روپے کمانے والے مافیا کو نہیں چھوڑیں گے، سزاملے گی۔

راجا ظفر الحق نے کہا کہ ایف آئی اے رپورٹ اس لیے واپس بھیجی گئی کہ یہ ان کی مرضی کے مطابق نہ تھی۔

چیئرمین سینیٹ نے کہا کہ رپورٹ آئندہ اجلاس میں پیش کی جائے۔

قومی خبریں سے مزید