آپ آف لائن ہیں
پیر2شوال المکرم1441ھ25؍مئی 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

لاک ڈاؤن کے 18 ویں روز بھی کراچی کے شہری سڑکوں پر

لاک ڈؤان کے 18 ویں روز بھی کراچی کے شہری سڑکوں پر


سندھ حکومت کی جانب سے لاک ڈاؤن کے اعلان کے بعد بھی کراچی کے شہر لاک ڈاؤن کے اٹھارہویں روز بھی سڑکوں پر نکل آئے۔

وزیر اعلیٰ سندھ مراد علی شاہ نے چیف سیکریٹری اور آئی جی سندھ کو حکم دیا تھا کہ لاک ڈاؤن پر سختی سے عمل کروایا جائے لیکن کراچی میں لاک ڈاؤن کے اٹھارویں روز بھی صورتحال ایک جیسی ہی ہے۔

شہر میں جگہ جگہ ناکے لگے ہوئے لیکن عوام کی بڑی تعداد مشکلات کے باعث ضروری امور دینے کے لیے باہر نکلنے پر مجبور ہے، جبکہ ہیلے بہانے بنا کر نکلنے والوں کی تعداد بھی کم نہیں۔

پولیس نے بھی لاک ڈاؤن پر عملدرآمد کروانے کے لیے سختی کرتے ہوئے ایک ہی دن میں 157 مقدمات درج کیے۔

کراچی پولیس چیف کے مطابق لاک ڈاؤن کی خلاف ورزی کرنے پر 422 افراد کو گرفتار کیا گیا ہے اور دفعہ 144 کی خلاف ورزی پر 448 گاڑیاں بھی بند کی گئیں۔

قومی خبریں سے مزید