وزیراعلیٰ پنجاب کا لاک ڈاؤن کا فضائی دورہ

11 اپریل ، 2020

وزیراعلیٰ پنجاب عثمان بزدار نے ملتان، ساہیوال، کمالیہ، میاں چنوں اور لاہور کا فضائی دورہ کیا اور لاک ڈاؤن کی صورتحال کا جائزہ لیا۔

وزیراعلیٰ پنجاب عثمان بزدار نے فضائی دورے کے دوران بند مارکیٹوں اور تجارتی مراکز کا بھی مشاہدہ کیا، جبکہ سڑکوں پر ٹریفک کی صورتحال بھی دیکھی اور ناکوں کی صورتحال کا بھی فضائی جائزہ لیا۔

عثمان بزدار نے حکومت کے حفاظتی اقدامات پر سختی سے عملدرآمد یقینی بنانے کی ہدایت کی اور ساتھ ہی فرائض انجام دینے والے پولیس، پاک فوج اور رینجرز کی خدمات کو سراہا۔

وزیر اعلیٰ نے کہا کہ پولیس، پاک فوج اوررینجرز مثالی کردار ادا کررہے ہیں ، حکومت نے عوام کو کورونا وباء سے بچانے کیلئے ہرضروری اقدام کیا ہے ،عوام کی ذمہ داری ہے کہ وہ حکومتی اقدامات پر عملدرآمد یقینی بنائیں ۔

تازہ ترین