غریب ممالک کے پاس اتنے وسائل نہیں کہ وہ کورونا کا مقابلہ کرسکیں، بلاول بھٹو

پاکستان پیپلز پارٹی کے چیئرمین بلاول بھٹو زرداری نے کورونا وائرس کی صورتحال پر بین الاقوامی میڈیا کو انٹرویو دیتے ہوئے کہا کہ امیر ممالک کو کم وسائل والے ملکوں کی مدد کرنا ہوگی کیونکہ غریب ممالک کے پاس اتنے وسائل نہیں کہ وہ کورونا کا مقابلہ کرسکیں۔

بلاول بھٹو زرداری نے کہا کہ کورونا کی وبا سے باہمی عالمی تعاون سے ہی نجات حاصل کی جاسکتی ہے۔

اُنہوں نے کہا کہ وسائل والے ممالک کو صحت کی سہولیات دنیا بھر میں منصفانہ طور پر تقسیم کرنا ہوگی اور عالمی طاقتوں کو اب اپنا رویہ بدلنا ہوگا۔

24 گھنٹوں میں زیادہ کیسز آئے ہیں، صورتحال خراب ہو رہی ہے، وزیر اعلیٰ سندھ

وزیراعلیٰ سندھ سید مراد علی شاہ کا کہنا ہے کہ آج کورونا کے سب سے زیادہ کیسز سامنے آئے ہیں جو ایک انتہائی تشویشناک بات ہے، اس سے ظاہر ہوتا ہے کہ صورتحال خراب ہو رہی ہے ۔

اُنہوں نے کہا کہ آج بھی ایران پر پابندیاں ہیں جہاں لوگ کورونا کی وجہ سے مر رہے ہیں۔

چیئرمین پیپلز پارٹی نے کہا کہ بھارت اب تک مقبوضہ کشمیر کو بند کیے بیٹھا ہے، مقبوضہ کشمیر میں لاک ڈاؤن ہے اور لوگوں کے پاس کوئی سہولت نہیں ہے۔

بلاول بھٹو نے کہا کہ پاکستان بھی کورونا سے بری طرح متاثر ہوا ہے ہمارا نظام صحت اتنا وسیع نہیں کہ اس وبا کا مقابلہ کرسکیں۔

اُنہوں نے کہا کہ ہم لاک ڈاؤن اور سماجی دوری کے ذریعے ہی اس وبا سے بچ سکتے ہیں۔

پاکستان میں 4897 کورونا مریض، 78 اموات

پاکستان میں کورونا وائرس کے مزید کیس سامنے آنے کے بعد اس کے مریضوں کی کُل تعداد 4 ہزار 897 ہو گئی ہے، جبکہ مزید 6 افراد کے انتقال کر جانے کے بعد اس مرض سے وفات پانے والے افراد کی تعداد 78 ہو چکی ہے۔

چیئرمین پیپلز پارٹی نے کہا کہ اٹلی اور برطانیہ کا نظام صحت بھی کورونا کے پھیلاؤ کی وجہ سے بیٹھ گیا ہے، ہمارے پاس تو اٹلی اور برطانیہ کے مقابلے میں صحت کا نظام بہت کمزور ہے۔

بلاول بھٹو نے کہا کہ اگر پاکستان میں کورونا کا پھیلاؤ بڑھا تو ہمارا نظام صحت بیٹھ جائے گا۔

اُنہوں نے کہا کہ اپوزیشن نے وفاقی حکومت کو مشترکہ کاوشوں کی پیشکش کی ہے لیکن افسوس کہ وفاقی حکومت کورونا سے نمٹنے کے لیے سُست روی سے کام کررہی ہے۔

حکومت سندھ کے ریلیف آرڈیننس پر وفاق کا اعتراض افسوسناک ہے، امتیاز شیخ

وزیر توانائی سندھ امتیاز شیخ کا کہنا ہے کہ حکومت سندھ نےایمرجنسی ریلیف آرڈیننس 2020 ءعوام کی فلاح و بہبود کے لیے تجویز کیا ہے، بجلی اور گیس کے بلوں پر صوبائی حکومت کے ریلیف پر وفاق کا اعتراض افسوسناک ہے۔

چیئرمین پیپلز پارٹی نے کہا کہ صوبے اپنے اپنے طور پر کام کر رہے ہیں، وفاقی حکومت سے صوبوں کو بہت کم مدد مل رہی ہے۔