فرمان الہی
نماز کے اوقات
پنجاب حکومت نے لاک ڈاؤن میں25 اپریل تک توسیع کرنےکا اعلان کردیا۔
پنجاب حکومت نے بعض شعبوں کیلئے نرمی اختیار کرتے لاک ڈاؤن میں 25 اپریل تک توسیع کردی ہے۔
پنجاب حکومت نے لاک ڈاؤن میں توسیع کے ساتھ متعدد شعبوں کو ایس او پیز پر عمل درآمد کی ہدایت کرتے ہوئے کام کی اجازت بھی دے دی۔
تاجر برادری حکومت پنجاب کے فیصلے کے بعد بھی کاروبار کھولنے کے حوالے سے گومگوں کا شکار ہے۔
نوٹیفکیشن کے مطابق اسٹیشنری و کتب کی دکانوں، شیشہ سازی کے یونٹس، پیپر اینڈ پیکیجنگ، پودوں کی نرسریاں، معدنیات، عمارات گرے اسٹرکچر، اینٹوں کے بھٹوں، آرکیٹیکٹس اور انجینئرز کو کام کی اجازت دی گئی ہے، جو شعبے پہلے سے کام کر رہے ہیں، وہ بھی جاری رہیں گے۔
حکومتی اعلان کے بعد لاہور کی سڑکوں پر رش بڑھ گیا، تعمیراتی شعبے سے وابستہ افراد اور الیکٹریکل سمیت دیگر افراد کام میں مصروف ہو گئے۔
اردو بازار کے تاجر صبح دکانیں کھولنے آئے تو پولیس نے انہیں روک دیا تاہم چند دکانداروں نے دکانیں کھول لیں۔
دکانداروں نے کہا کہ لاک ڈاؤن کے بعد بہت آس و امید کے ساتھ کاروبار شروع کررہے ہیں۔
تاجروں سمیت دیگر شعبوں سے وابستہ افراد کاکہناہےکہ وہ کورونا سےبچاؤ کے ایس اوپیز پرمکمل عمل کرتے ہوئےکاروبارکریں گے۔
