ٹرانسپورٹرز کی خلاف ورزیوں پر اویس شاہ کا نوٹس

انٹراسٹی ٹرانسپورٹرز کے ایس او پیز پر عمل نہ کرنے پر وزیر ٹرانسپورٹ اویس شاہ نے نوٹس جاری کرتے ہوئے کہا کہ سندھ کے تمام منتخب نمائندوں سے اپیل ہے کہ اپنے علاقوں میں ایس او پیز پر عمل کروائیں۔

اویس شاہ نے کہا کہ جہاں ٹرانسپورٹرز ایس او پیز پر عمل نہیں کر رہے ان کے خلاف ایکشن لیا جا رہا ہے۔

کراچی میں کل سےپبلک ٹرانسپورٹ چلانے کی اجازت

کراچی کی سڑکوں پر کل سے ایس او پیز کے ساتھ پبلک ٹرانسپورٹ چلانے کی اجازت مل گئی۔

اُنہوں نے کہا کہ جب تک سب ملکر کام نہیں کریں گےا یس او پیز پر عمل کروانا مشکل ہوگا۔

وزیر ٹرانسپورٹ نے کہا کہ کئی جگہوں سے شکایات آرہی ہیں کہ ٹرانسپورٹرز ایس او پیز پر عمل نہیں کر رہے۔

اویس شاہ نے کہا کہ عوام سے گزارش ہےکہ خدارا ایس او پیز پر عمل کریں، ماسک پہنیں، سماجی فاصلہ رکھیں۔

اُنہوں نے مزید کہا کہ انٹراسٹی ٹرانسپورٹ پر تاحکم ثانی پابندی برقرار رہے گی جبکہ خلاف ورزی کرنے والوں کہ خلاف ایکشن لیا جارہا ہے۔