کراچی: مختلف واقعات میں 2 افراد جاں بحق، 5 زخمی

ملک کے سب سے بڑے شہر کراچی کے مختلف علاقوں میں پیش آنے والے مختلف واقعات میں 2 افراد جاں بحق جبکہ ماں اور بیٹی سمیت 5 افراد زخمی ہو گئے۔

ریسکیو ذرائع کے مطابق گلشنِ حدید فیز 2 میں فائرنگ سے ماں، بیٹا اور بیٹی زخمی ہوگئے جنہیں جناح اسپتال منتقل کر دیا گیا ہے۔

کراچی ، نارتھ کراچی میں نامعلوم افراد کی فائرنگ سے پولیس اہلکار زخمی

کراچی کے علاقے نارتھ کراچی میں نامعلوم افراد کی فائرنگ سے پولیس اہلکار زخمی ہوگیا۔

جناح اسپتال میں زخمیوں کی شناخت 60 سالہ خدیجہ، 22 سالہ ظفر اور 16 سالہ فرحانہ کے نام سے ہوئی ہے۔

کورنگی سو کوارٹرز کے قریب چھریوں کے وار سے 25 سالہ نعیم جاں بحق ہو گیا۔

لیاقت آباد میں شہداء مسجد کے قریب ڈکیتی کے دوران مزاحمت پر فائرنگ سے ایک شخص جاں بحق ہو گیا۔

یہ بھی پڑھیئے: کراچی، گلشن اقبال میں فائرنگ، 2 محنت کش جاں بحق

کورنگی کی بلال چورنگی کے قریب فائرنگ سے 40 سالہ غلام رسول نامی شخص زخمی ہو گیا۔

شاہ لطیف ٹائون میں ڈکیتی کے دوران مزاحمت پر فائرنگ سے ایک شخص زخمی ہو گیا۔

تمام واقعات کے زخمیوں کو اسپتال میں منتقل کیا گیا ہے جہاں انہیں طبی امداد دی گئی۔