شفاف احتساب سے ایک انچ بھی پیچھے نہیں ہٹیں گے، گورنر پنجاب

31 جولائی ، 2020

گورنر پنجاب چوہدری محمد سرور نے کہا ہے کہ بلاتفریق اور شفاف احتساب سے ایک انچ بھی پیچھے نہیں ہٹیں گے، سیاسی مخالفین کو صرف اپنی فکر ہے ان کو ملک وقوم کے مفادات کا سوچنا چاہیے۔

گورنر پنجاب سے چیئر مین ہلال احمر ابرار الحق اور پارٹی وفود نے گو رنرہاؤس میں ملاقاتیں کیں، اس موقع پر ملکی معاملات، سیاسی صورتحال پربا ت چیت کی گئی ۔

چوہدری محمد سرور نے کہا کہ ملکی مفاد میں ہونیوالی قانون سازی میں اپوزیشن کو حکومت کا ساتھ دینا چاہیے، ایف اے ٹی ایف کے متعلق 2 بلوں کی پارلیمنٹ سے منظوری تاریخی اقدام ہے۔

انہوں نے کہا کہ دہشت گردی کے خلاف 22کروڑ پاکستانی ، افواج اور دیگر سیکیورٹی فورسز کیساتھ ہیں، امن کے قیام اور دہشت گردی کے خاتمے کیلئے پاکستان نے بے پناہ قربانیں دیں ہیں ۔

تازہ ترین