آپ آف لائن ہیں
بدھ21؍ذی الحج1441ھ12؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کورونا وبا کے اثرات کئی دہائیوں تک محسوس کیے جائیں گے، عالمی ادارہ صحت

عالمی ادارہ صحت (ڈبلیو ایچ او) کا کہنا ہے کہ کورونا وبا کے اثرات کئی دہائیوں تک محسوس کیے جائیں گے، دنیا کے بیشتر لوگ وائرس کے خطرے سے دوچار رہیں گے، دنیا کو وبا کے ساتھ رہنا سیکھنا ہوگا۔

سربراہ عالمی ادارہ صحت ٹیڈروس ایڈہانوم کا کہنا ہے کہ صدی میں ایک بار آنے والی یہ ایک ایسی وبا ہے جس کے اثرات کئی دہائیوں تک محسوس کیے جائیں گے۔

ٹیڈروس ایڈہانوم نے مزید کہا کہ دنیا کے بیشتر لوگ خصوصاً ان ممالک میں جہاں اس کی شدت زیادہ ہے وائرس کے خطرے سے دو چار رہیں گے، جو ممالک یہ سمجھ رہے تھے کہ وبا کا بدترین دور گزر گیا وہ اب دوبارہ سے وبا کی لپیٹ میں آرہے ہیں۔

انہوں نے کہا کہ ہمیں اس وبا کا مقابلہ کرتے ہوئے اس کے ساتھ رہنا سیکھنا ہوگا۔

صحت سے مزید