آپ آف لائن ہیں
جمعہ16؍ذی الحج 1441ھ7؍اگست2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

عید کا دوسرا دن، قربانی جاری، آلائشوں کے ڈھیر

عید کا دوسرا دن، قربانی جاری، آلائشوں کے ڈھیر


ملک بھر میں عید الاضحیٰ کا آج دوسرا روز ہے اور مختلف علاقوں میں سنتِ ابراہیمی پر عمل کرتے ہوئے جانوروں کی قربانی کا سلسلہ جاری ہے۔

عید کا دوسرا دن،قربانی جاری،آلائشوں کےڈھیر
(تصاویر: سہیل رفیق)

عوام سنتِ ابراہیمی کی پیروی کرتے ہوئے قربانی کا فریضہ انجام دے رہے ہیں تاہم اس موقع پر شہری انتظامیہ کی جانب سے آلائشیں اٹھانے میں انتہائی سستی کا مظاہرہ کیا جا رہا ہے۔

کراچی، لاہور، اسلام آباد، کوئٹہ، پشاور، فیصل آباد، گوجرانوالہ، رحیم یار خان، سکھر، بنوں سمیت ملک کے بڑے شہروں میں مختلف مقامات پر قربانی کے بعد آلائشوں کے ڈھیر لگ گئے۔

گزشتہ روز کی آلائشیں تاحال نہیں اٹھائی گئی ہیں جس کی وجہ سے گندگی اور آلائشوں کے ڈھیروں سے تعفن بھی اٹھنے لگا ہے۔


سندھ سالڈ ویسٹ مینجمنٹ بورڈ کے مطابق کراچی میں عید کے پہلے روز 8 ہزار 933 ٹن آلائشیں تلف کی گئیں اور دیگر علاقوں سے آلائشیں اٹھانے کا کام مسلسل جاری ہے۔

عید الاضحیٰ کے دوسرے روز لاہور کے مختلف علاقوں میں ہونے والی موسلا دھار بارش سے گرمی اور حبس کا زور تو ٹوٹ گیا مگر قربانی کی آلائشیں اور کوڑا کرکٹ برساتی پانی میں بہہ گیا۔

یہ بھی پڑھیئے:۔

عید الاضحیٰ پر قربانی کے جانوروں کی کھالوں کی خریداری جاری

لاہور ویسٹ مینجمنٹ کمپنی کا کہنا ہے کہ شہر میں عید کے پہلے روز 13 ہزار 500 ٹن سے زائد آلائشیں اکٹھی کی گئیں اور ویسٹ بیگز کی بلا تعطل فراہمی یقینی بنائی گئی۔

اسلام آباد میں آلائشوں کو اٹھانے اور ٹھکانے لگانے کا کام روز کی بنیاد پر جاری ہے، عیدِ قربان کے پہلے روز 54 ہزار آلائشوں کو ٹھکانے لگایا گیا۔

قومی خبریں سے مزید