آپ آف لائن ہیں
جمعہ16؍ذی الحج 1441ھ7؍اگست2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

عید الاضحیٰ پر قربانی کے جانوروں کی کھالوں کی خریداری جاری

ملک کے مختلف شہروں میں عید الاضحیٰ کے موقع پر قربانی کے جانوروں کی کھالوں کی خریداری کا عمل جاری ہے تاہم اس بار بھی کھالیں فروخت کرنے والوں کو قیمت خرید تاریخ کی کم ترین سطح پر ہونے کی شکایت ہے جبکہ بھیڑ کی کھال کوئی مفت لینے کو بھی تیار نہیں۔

قربانی کے جانوروں کی کھالوں کی خرید و فروخت کے لیے لگی عارضی منڈیوں میں اس وقت کھالیں فروخت کرنے والے انتہائی پریشان ہیں۔ شہریوں کا کہنا ہے کہ کھالوں کی قیمتیں تاریخ کی کم ترین سطح پر ہیں۔

فروخت کنندہ کہتے ہیں کہ ہر سال جانوروں کی قیمتیں زیادہ اور کھالوں کی قیمت میں کمی ہو رہی ہے۔ بکرا 30 سے50 ہزار کا ہے اور کھال بیچنے آ رہے ہیں تو 100 روپے سے120 روپے کی کھال بک رہی ہے۔ پچھلے سال پندرہ سو روپے کی بڑی کھال اس بار ساڑھے چھ سو، سات سو کی لی جا رہی ہے۔

عید الاضحیٰ کے موقع پر جانوروں کی کھالوں کی قیمتیں کم ترین سطح پر ہونے کے حوالے سے کھالوں کے تاجروں کا کہنا ہے کہ برآمدات میں اضافہ کئے بغیر کھالوں کی قیمتوں میں کمی کے رجحان کو روکنا ممکن نہیں ہے۔

قومی خبریں سے مزید