آپ آف لائن ہیں
پیر12؍ذی الحج 1441ھ 3 اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

عید پر دوستوں اور رشتہ داروں سے دور رہنا ایک عجیب احساس ہے:صنم سعید

پاکستان ٹی وی اور فلم انڈسٹری کی مقبول ترین اداکارہ صنم سعید نے عید الاضحیٰ کے موقع پر عالمی وبا کے پیش نظر رشتہ داروں اور قریبی دوستوں سے دور عید منانے کو ایک عجیب احساس قرار دیا ہے۔

تصویر اور ویڈیو شیئرنگ ایپ انسٹاگرام پر صنم سعید نے مداحوں کو عید کی مبارکباد دیتے ہوئے ہدایت کی کہ وہ کورونا سے بچاؤ کے ایس او پیز پر سختی سے عمل پیرا ہوں۔

انہوں نے لکھا کہ وہ پُر امید ہیں کہ تمام لوگوں نے یہ عید آگاہی، عاجزی، امن اور مہربانی کے ساتھ منائی ہوگی۔


اداکارہ نے لکھا کہ موجودہ وقت انتہائی مشکل اور ایک امتحان کی گھڑی ہے، لیکن حکومت کی جانب سے بنائے گئے ایس او پیز پر عمل کر کے ہم نے صحت کے شعبے کو بحال کرلیا ہے اور کورونا کو تقریباً شکست دینے میں کامیاب ہوگئے ہیں۔

صنم سعید نے اپنے عوام کی حوصلہ افزائی کرتے اور اچھے دنوں کی امید دلاتے ہوئے کہا کہ بلاشبہ عید کے تہوار پر رشتہ داروں اور دوستوں سے دور ہونا پریشان کُن ضرور ہے لیکن ہم کچھ عرصے بعد اُن سے اچھے حالات میں مل سکتے ہیں۔

انہوں نے کہا کہ پہلے کورونا سے بچاؤ کی احتیاطی تدابیر پر عمل کرنا لازم ہے تاکہ جب ہم اپنے رشتہ داروں سے ملیں تو تب کوئی غم یا پریشانی نہ ہو۔

اپنے پیغام کے آخر میں اداکارہ نے لوگوں کیلئے طاقت، ہمت، حوصلے، خوشیوں، اور امن کی دعا بھی کی۔

انٹرٹینمنٹ سے مزید