لاہور: 13 سالہ لڑکے نے 12 سالہ دوست کو قتل کر دیا

لاہور کے نواحی گاؤں منہالہ میں 13 سالہ لڑکے نے کھیل کے دوران جھگڑے پر 12 سالہ دوست کو چھری مار کر قتل کر دیا۔

پولیس کے مطابق 12 سالہ بچے کے قتل کا واقعہ ہڈیارہ تھانے کے منہالہ گاؤں میں پیش آیا، جہاں کھیل کے دوران 13 سالہ فراز اور 12 سالہ عبدالرحمان میں جھگڑا ہوا تو فراز نے عبدالرحمان کی گردن پر چھری چلا دی، جس سے وہ زخمی ہو گیا۔

پولیس کا کہنا ہے کہ زخمی لڑکے کو اسپتال منتقل کیا جارہا تھا کہ وہ راستے میں ہی دم توڑ گیا۔

پولیس نے شواہد اکٹھے کر کے لاش مردہ خانے منتقل کر دی، واقعے کی مزید تفتیش جاری ہے۔