میجر طفیل شہید کو پاک فوج کا خراجِ تحسین

پاک فوج کی جانب سے نشانِ حیدر یافتہ میجر طفیل محمد شہید کو ان کے 62 ویں یومِ شہادت کے موقع پر خراجِ تحسین پیش کیا گیا ہے۔

میجر طفیل محمد شہید کا 62 واں یوم شہادت

لکشمی پور مشرقی پاکستان میں دشمنوں کو ناکوں چنے چبوانے والے میجر طفیل محمد شہید نشان حیدر کا 62 واں یوم شہادت آج منایاجارہا ہے

پاک فوج کے شعبۂ تعلقاتِ عامہ (آئی ایس پی آر) کے سربراہ میجر جنرل بابر افتخار نے سماجی رابطے کی ویب سائٹ ٹوئٹر پر ایک بیان میں کہا ہے کہ میجر طفیل محمد شہید کی جرأت اور بہادری کو خراجِ تحسین پیش کرتے ہیں۔

ڈی جی آئی ایس پی آر کا مزید کہنا ہے کہ شدید زخمی ہونے کے باوجود میجر طفیل محمد نے مشن مکمل کیا اور رتبۂ شہادت پر سرفراز ہوئے۔

یہ بھی پڑھیئے:۔

وطن کیلئے میجر طفیل شہید کی قربانی پر پوری قوم کو فخر ہے، عثمان بزدار

پاک فوج کے ترجمان میجر جنرل بابر افتخار کا یہ بھی کہنا ہے کہ میجر طفیل محمد شہید نے جرأت اور عزم کی عظیم مثال قائم کی۔